|
| 出左花紅!!!
估唔到未過試用期都有花紅..
仲有4位數,我本身諗住冇..有既話都係諗住得幾百蚊
人地個個都出3.X倍,我係最小果個...個個都幾萬...唉..
真係好多野估唔到
估唔到我可以捱到而家
之前聖誕節果期...日日都OT幾粒鐘(最小)
試過返10點...收4點...係第2日4點..
而家好D...
起馬多數都可以準時收工....有時仲可以早走
估唔到公司抽獎都中-.-
中左50蚊CASH.....1個鐘錢= =
好過冇..賺下車錢
估唔到呢幾日咁忙....
估唔到聽日放假
估唔到我會放年初1
估唔到流攤王不再渣流攤
更加估唔到點解我呢排食極都好肚餓= =
(又肥左)
仲有好多野都估唔到既...
可能我聽日就收到電話...話我比人炒左呢
最近唔知點解好開心，心情好好.....
| | |
| 點解我可以咁冇記性?
小小野都唔記得?
岩岩講完,轉頭就冇左件事.
重要既日子又唔記得(sorry)
再係咁落去真係唔得,可能真係會死
點算好呀!!!!
我唔想咁快死住呀~
出黎做野,真係學到好多野.
經過呢幾個星期,覺得自己好差
一D好基本既野都未熟習,例如刀法
自己手腳又慢,記性又差,點搞
繼續工作?
再次讀書?
我要好好諗下呢個問題
前兩日諗過
如果我X,就可能會X,但係而家仲未.
唉...勁煩惱
| | |
| 本身星期六放假..
但係呀SUN病左~
今日大佬話聽日lunch有台buffet,問我返唔返去幫手,
乜我有得話唔返咩-_-"
對上一次放假係星期日.
星期三放12點,返到屋企都點幾兩點...星期四返7點...追更,但係唔錯...
有時間去街...仲頂得順..可能因為我仲後生 （大過我＝老）
今日星期五,返10點,收12點,做左14個鐘...呀SUN仲要射波
諗住抖返日,而家唔得啦~
不過佢病到訓醫院,算啦
攰~
炒散幾個鐘,有錢收返=]
冇計啦..為左搵錢...攰都會頂住
我會努力工作！！(間唔中都會渣下流攤XD)
呢份工,10月20日做到而家,都差唔多1個月
三個字,機械人,技巧上既野唔多,但係幾開心,D人幾好笑,有傾計~
希望自己記性會好D囉~
成日唔記得野,雖然佢地冇話我,但係好嬲自己
最後,希望可以XXXXX啦
| | |
| 10月12日
今日本身冇野做既,一起身就開電腦
同BEN傾左一陣,佢話好悶
咁我就話返大陸食野,行街
咁就11點幾就出發啦,3條友
同子晴去左上水行住等呀BEN,D人仲要遲到..
過左關之後,就搭地鐵去老街
之後去左飲茶,3個人叫左差唔多廿碟野
食唔哂,之後睇睇附近D人,人地1家5口,食一個干炒牛河咋- -
再望第2張,2個人食一碟菜
得我地叫咁多
我覺得我地好似好哂野咁-0-
但係都係160蚊,勁抵食
 
P.S.有人有20個胃~
食完之後去行街
簽名設計1蚊張,個人好勁
 
行到5點幾6點,之後去左揼骨
唔多講啦呢D
一句講哂,D技師同子晴都好變態,同埋咸濕
之後就走人,11點半返到上水,我地係上水食埋野先走
送埋子晴返屋企,就訓教了,聽日仲要返學~
 大合照=_=
10月13日
返學,食飯,渣流攤,放學
放學之後去左德福出面坐低
飲野,吹水,6個人,仲有聽DOM講故仔~
落住雨,坐露天,感覺幾好~
之後就同子晴搭74A慢慢咁搖返太和拎野,
之後就約埋HUGO出黎食飯
打邊爐,3個人
KA,KB,KC各一~
多謝HUGO請~
食完之後去左8號個公園仔
又係飲野,吹水~
返到屋企都2點了~
好似唔係好夠咁
10月14日
今朝一早返學,就比人話我地D制服唔得
3班人一齊比人爆左幾個字~
爆完之後就渣流攤,影相,食飯,之後12點早退
因為要去迪迪尼見工
見完之後,請左,睇清楚D合約條款,知就辭工只係要7日通知
咁就簽啦,但係我會係呢幾日打去辭工,因為唔想做呢間~
見完就返去大埔,食飯WITH子晴AT椰林閣,個waitress好搞笑- -
食完之後同琴日一樣,3個人去飲野吹水
不過今次入左海濱最入坐,坐到12點左右
見到有幾個人用蝦仔釣魚,佢地好搞笑.
之後我地埋去傾左陣計
玩到點半,就走人,我地留低左支酒,佢地踩單車拎返出黎搵我地,好好人呀佢地~
咁之後返屋企屋教~
10月15日
今日係LAST DAY
我地畢業了,好似好快咁~8個月真係好快過
10點半去左德福飲茶,分兩台
不幸地,DOM整親隻眼,好驚~
食完走人,返去不停影相,汁埋LOCKER就放學~
好唔捨得
我地班約左幾個呀SIR去九龍城食飯
又飲又食~位位100蚊...都幾抵~
之後去左食糖水,食完之後
同DICKSON,子晴,JIMMY搭的士去旺角搭巴士,JIMMY唔同路~
咁岩HUGO又係呢個時間收工,咁就一行4人搭72X返大埔
返到大埔,因為唔係好夠,再買多SET飲,又飲野,又吹水,又係我地3個呀,去左8號坐~
DICKSON因為聽朝要簽約,冇去,可惜
又係2點幾返屋企
訓教
好想返學呀,好唔捨得呀
放張班相上黎先
 | | |
| 10月6日
照常返學,照常HEA,照常食野,一切正常
今日有英文堂,出去PRESENT(考試),個個都要,我抱住行先死先既想法,出左去考
好彩...佢話好好,冇得頂
其實唔係好難...出去9UP分幾兩分鐘...唔知點解你地要咁驚囉-0-
上完英文堂就放學了~
放學之後...我地又成班去唱K,同行既仲有嘉玲同ivan女
我地呢班就黎畢業喇..仲有幾日咋.....唔知之後仲有冇機會咁Q多人一齊去玩呢..
今次唱K好Q貴,因為酒錢勁貴呀!!!
但係我覺得值得既....同呢一班人一齊玩真係好正...
本身我病病地...開唔到聲...唱一唱...乜聲都返哂黎...但係第2日死左
我地既"屎坑中"真係好正....但係都要睇下邊個唱
今次出黎玩既目的係幫2個壽星仔慶祝...BEN狗同占屎
1個9月30日...1個10月5日
我地班既大合照（唔齊人），唔該哂嘉玲咁辛苦同我地影(真係好難影)
咁唱完之後,跟NIK狗車返屋企,沖涼訓教了,聽日要去拜山呀~
10月7日
10點起身洗面,之後就去拜山了,去沙嶺拜
病左了,好辛苦,好彩今年唔多人,又唔熱,舒服既天氣
到左3點..拜完了..表兄弟姐妹們去行街,我頂唔順返屋企了
返到屋企3點半,沖完涼,4點就上床訓陣...
一訓就訓到第2朝7點...訓左15個鐘有多...但係好似仲未夠咁
10月8日
訓左15個鐘之後,仲係好攰,仲病緊
照常返學...今日係我既考試日,考面包(DARK RYE)
整完之後..拎去比呀SIR比分啦
佢試左幾隻-0-
之後話味道OK,個皮包夠硬,心夠軟
個外表不一,表面睇OK...但係個底就樣衰
咁我同佢講..我地呢D,做野做表面啦梗係,呃得下人呀MA
之後就返去吹水了~
放學前填左好多問卷...之後去左大埔墟食飯WITH 老豆老母~之後自己返屋企了~
| | |
|
